حلّت الفنانة شيرين عبدالوهاب ضيفة في ثاني حلقات بودكاست "Big Time"، البرنامج الذي تستضيفه أصالة مع الإعلامي عمرو أديب ويُبثّ يوميًا على امتداد شهر رمضان لهذا العام، وشاركت بتصريحات واعترافات تعلن عنها لأول مرة عن حياتها الشخصية وحالتها النفسية خلال الفترة الماضية.
تحدثت شيرين بصراحة عن صحتها النفسية، وكشفت عن الضغوطات والصعوبات التي اختبرتها في السنوات الماضية والأذى النفسي الذي شعرت به: "أنا فعلا عملت كل حاجه عشان أروح، وأصحى من النوم ولاقي نفسي لسى موجودة في الدنيا، ببص لربنا وأقول له حكمتك.. أنا في أوقات بقوله لو ما خدتنيش أنا هزعل منك، وعايزاك تاخذني أنا وولادي عشان أنا مش هعرف أسيب الدنيا دي وأنا سايباهم في الدنيا وممكن أحد يعذبهم أو حد يستغلهم".
أعربت عن خوفها من الغناء خلال هذه الفترة، خاصةً وأن الظروف النفسية التي اختبرها أثرت على حبالها الصوتية وقدرتها على الغناء: "كنت بخاف أغني، وزعلي كله كان بيجي على صوتي، ما بيطلع، كنت أجرب أغني ماعرفش أغني، شفت الضربة جات في كل حاجه، كانت عين قوية، أشكر ربنا أن أنا سمعت صوتي، دي الحقيقة أنا كنت في كارثة".
كشفت شيرين عن إحساسها المستمر بالخوف وعدم الراحة، وأشارت "ساعات يجيني احساس بالخوف والبكاء من غير سبب وأقول الأوضه دي أنا حاسه فيها ثعبان، دي تبقى روح شريرة"، وأضافت "أنا لقيت صرّة محطوطة على باب البيت وبفتحها بلاقي فيها رمل زي البودرة البيضاء وجواها مفتاح" وفي التفاصيل قالت "البودرة تبقى حاجه جايه من المقابر، وبالمفتاح ده قافلين لك كل حاجه بحياتك، كان مفتاح أوضة نومي".
تحدث أيضًا عن تعرضها للخيانة من الناس المقربين لها، وصرّحت: "كلهم بأقرب الناس وأبعد الناس خاينين مافيش أصل مافيش عشرة، وأنا بمشّي شخص ما من عندي بقوله أنت ما لكش عيشه خلاص عندي، بيقول طب أنا عايز كذا بس أمشي مضيفة، كل الناس لابسه أقنعة اللي وقعني اني كنت مستنية حد منهم بس يبيض وجهي ويطلع زي ما أنا قلت عليه، مافيش".
هذا وحكت عن الأمور التي ساعدتها على النهوض مجددًا: "اللي وقفني على رجلي حاجتين، القلوب دي اللي عايزينك توقعي.. لا أنتي كذابة، مش أنتي اللي تطلعي تقولي كذا في التلفزيون، ولما قابلت بعض الناس فيس تو فيس شفت قد ايه هم حابين الوقعه دي لشيرين". كما واصلت الحديث: "الحب هو اللي فوقني، مكنش عندي رغبة في الحياة اني أكمل، مريت بظروف صعبة كانت عامله لي عدم توازن شامل، كنت ناسيه تمامًا ان عندي بنتين مكنتش عارفه أسيبهم لمين ولا أسيبهم لإيه".
