بعد أن صدارة الشامي لقوائم بيلبورد عربية في الأسبوعين الماضيين، أصبح أصغر فنان يتصدر قائمة 100 فنان، وليس فقط لأنه أول فنان ليفانتين بوب يتصدر القوائم، بل لأن أغنيته "وين" دخلت قائمة هوت 100 لتتصدر المركز الأول في أسبوعها الأول! قابلت بيلبورد عربية الشامي في بيروت أثناء بروفات حفله الذي أحياه في 30 يوليو/ تموز، وقد عبر لنا عن سعادته الكبيرة قائلًا: "لأنه اجى هاد الشي بعد تعب كبير ولأنه أنا حكيت عنه عالانستقرام أنه هدف من أهدافي اللي جاي ولأنه حققته بهاي الطريقة هاد الأسبوع كان من أميز الأسابيع بحياتي، وكأني حققت الشيء اللي بدي ياه مو كأني حققت الشي اللي بدي ياه لذلك هاد الشي كثير بيعنيلي".
الملفت أن الشامي قد توقع وصوله للمركز الأول من فترة قصيرة، حيث عبّر عن وضعه لهذا الهدف نصب عينيه على مواقع التواصل الاجتماعي حتى قبل حدوثه، وتعليقًا على ذلك قال: "كنت عم قول انه أنا عندي الألبوم تبعي اللي هو كان "خدني" و التانية "وين" وعندي "دوالي" و"بس ما تفل" اللي حكينا عنها، أنا قلت اذا ما مشي الحال بـ "وين" رح نزّل وراها "دوالي" قام تصدرنا بـ "وين"، فأنا كنت مصر إذا ما بـ "وين" بـ "دوالي" إذا مش "دوالي" بـ "بس ما تفل"، وحضل عم نزل لأنه على بالي شوف حالي رقم واحد ع بيلبورد عربية صراحة".
ومع إطلاق "وين"، فقد تمكن أخيرًا من تحقيق حلمه باحتلال الصدارة. وبهذا يُصبح الشامي الأصغر سنًا بين الفنانين الذين احتلوا صدارة القائمة: "مش فكرة أصغر فنان، بيعنيلي فكرة أصغر فنان بيتصدر، ما حيكون موضوع بيعنيلي هالقد لأنه فكرة انه الواحد يعمل شي ما نعمل قبل فكرة كتير كبيرة عالانسان شو يعني أصغر فنان بتاريخ بيلبورد عربية هاي شغلة كتير كبيرة حاحكيها لولادي بس يجو".
